Sezoni i ri i “Big Brother VIP” ende nuk ka nisur, por emrat e mundshëm kanë filluar të qarkullojnë në media e rrjetet sociale.
Një nga zërat më të përfolur së fundmi është Medina Ali – vajza shqiptare që po bën histori në një fushë krejt të pazakontë: wrestling.
E ftuar në një intervistë për “Prive” nga Liberta Spahiu, Medina ka lënë të kuptohet se është më se e hapur për t’u bërë pjesë e reality show-t më të ndjekur në Shqipëri.
“Po, do ta doja shumë”, u shpreh ajo, duke shtuar se një eksperiencë e tillë do ta ndihmonte të lidhej më shumë me rrënjët dhe kulturën shqiptare.
Ajo tregoi se edhe xhaxhai i saj, aktualisht në vizitë nga vendlindja, është fans i madh i formatit dhe i ka bërë pikërisht këtë pyetje: “A do të hyje ndonjëherë në Big Brother?”. Përgjigjja e Medinës ishte e prerë: “Jam gati!”
Nuk dihet ende nëse ka një konfirmim zyrtar nga produksioni, por një gjë është e sigurt – publiku tashmë ka nisur të flasë për të si “banorja e parë”.
