Tensionet para përballjes Shqipëri–Serbi, e vlefshme për eliminatoret e Kupës së Botës 2026, kanë nisur që një ditë para ndeshjes.
Në rrjetet sociale po qarkullon një video ku disa tifozë serbë shfaqen duke djegur flamurin kombëtar shqiptar.
Pamjet kanë nxitur reagime të ashpra mes përdoruesve shqiptarë të rrjeteve sociale, të cilët e kanë cilësuar veprimin si një provokim të rëndë dhe të qëllimshëm për të tensionuar atmosferën sportive.
Incidenti ka ndodhur në prag të ndeshjes që pritet të zhvillohet nesër mbrëma, ku pritet një përballje e fortë në fushën e lojës.
Kujtojmë se përballjet mes Shqipërisë dhe Serbisë kanë pasur historikisht ngarkesë të lartë emocionale dhe politike, ndaj masat për mbarëvajtjen e sfidës janë konsideruar kritike nga organizatorët.
