Liridon K., 34 vjeç, kishte kaluar vite të tëra duke luftuar me një sëmundje të rrallë autoimune, që ia kishte dëmtuar rëndë mushkëritë. Mjekët i kishin dhënë pak shpresë për jetë – i thanë se vetëm një transplant mushkërie mund ta shpëtonte, por mundësitë për të gjetur një donator ishin thuajse zero.
Pas muajsh të gjata lutjesh dhe vuajtjesh, më 17 tetor 2023, ndodhi ajo që shumë e quajtën mrekulli. Në orët e vona të natës, spitali njoftoi familjen se ishte gjetur një donator i përshtatshëm dhe se transplantimi mund të kryhej menjëherë. Operacioni zgjati mbi 9 orë, por përfundoi me sukses të plotë.
Liridoni sot është gjallë, ecën, punon dhe çdo ditë falënderon Zotin për jetën që ia ktheu. Ai thotë:
“Nuk ka mjek, ilaç apo shkencë që mund ta shpjegojë çfarë më ndodhi mua. Ishte Zoti ai që vendosi të më japë edhe një mundësi për të jetuar.”
