Gjatë një interviste, Ilir Shaqiri është ndalur te përvoja e tij në “Big Brother VIP Albania 1”, ku u shpall edhe fitues.

Ai tregoi se vendimin për të marrë pjesë në edicionin e parë e kishte marrë menjëherë, pa asnjë hezitim, ndërsa për një rikthim në edicionet pasuese, tha se do të ishte më i matur në vendimmarrje.

Ndër të tjera, Shaqiri komentoi edhe për dy moderatorët më të përfolur të formatit, Arbana Osmanin dhe Ledion Liçon. Ai nuk zgjodhi mes tyre, por theksoi se të dy kanë sjellë stile të ndryshme dhe secili ka shkëlqyer në mënyrën e vet.

“Janë dy stile komplet ndryshe. Nuk dua t’i bëj qejfin as njërit, as tjetrit sepse i njoh të dy. Mendoj që secili kur ka qenë në atë skenë, që është shumë e vështirë për ta përballuar nga presioni mediatik dhe ai i publikut, e ka bërë punën e vet në kulmin e tij,” u shpreh ai.

Shaqiri shtoi se nuk e përjashton një mundësi të ardhshme për një bashkë-moderim mes Arbanës dhe Ledionit në një format të veçantë si “Big Brother All Stars”, duke thënë:
“Pse jo, ta prezantojnë të dy njëherë. Do të ishte diçka abstrakte, pse jo, reale! Imagjino tani një Arbana-Ledion që prezantojnë ‘All Stars Big Brother Albania’. Do të vijë një ditë që ndoshta do të na mbledhin.”