Pogradeci, shembulli i pushimeve ekonomike – çadra falas dhe dreka me vetëm 1000 lekë
Ndërkohë që pushimet në bregdetin e jugut po bëhen gjithnjë e më të shtrenjta, qyteti i Pogradecit po del në pah si një alternativë e qetë, e përballueshme dhe familjare për verën.

Një qytetar ka ndarë në rrjetet sociale një foto nga një plazh publik në Pogradec, ku sipas tij çadrat janë vendosur nga bashkia dhe janë falas për të gjithë pushuesit. Mjafton të marrësh me vete një peshqir dhe dëshirën për të shijuar ditët e verës pranë liqenit.

“Meqenëse çmimet në jug janë katastrofë, po ju dërgoj një foto nga Pogradeci. Çadrat janë të vendosura nga bashkia dhe janë falas. Plazh publik. Ju mjafton një peshqir dhe dëshira për t’u kënaqur dhe për t’ja kaluar mirë,” shkruan qytetari.

Përveç relaksit buzë liqenit, pushuesi ndan edhe një detaj mjaft domethënës për ata që duan të kursejnë: “Ne sapo hëngrëm drekën dhe me 1000 lekë kemi marrë një pice familjare dhe pije. Rehatllik, qetësi, ekonomi dhe klimë perfekte,” shton ai në postimin e tij.

Në një kohë kur shumë vizitorë ankohen për çmimet stratosferike të shërbimeve në jug, Pogradeci po vlerësohet gjithnjë e më shumë për ofertën e tij ekonomike dhe ambientin miqësor për familjarë, të rinj dhe të moshuar.

Liqeni, ajri i pastër, plazhet e organizuara, ushqimi i lirë dhe klima e butë e bëjnë Pogradecin një destinacion gjithnjë e më të kërkuar për ata që kërkojnë pushime me buxhet të ulët por cilësi të lartë, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE