Një incident i rëndë ka ndodhur mbrëmjen e së dielës në SHBA, ku disa persona kanë humbur jetën dhe shumë të tjerë kanë mbetur të plagosur në një zjarr që ka rënë në një azil për të moshuarit. CNN raporton se shumë persona humbën jetën nga zjarri që ra në qendrën për të moshuarit në shtetin e Massachusetts.

“Ekipet u përballën me një zjarr të fortë që vinte nga hyrja kryesore dhe me shumë njerëz që vareshin nga dritaret, duke kërkuar ndihmë”, iu tha gazetarëve shefi i zjarrfikësve, Jeffrey Bacon.

“Fatkeqësisht, në këtë kohë, kemi viktima dhe lëndime të shumta”, shtoi ai por pa dhënë më shumë detaje mbi të lënduarit.

Megjithatë ai shtoi se pesë zjarrfikës u nxorën nga vendi i ngjarjes me “kryesisht lëndime të lehta”.

Nga ana tjetër, kryetari i bashkisë së Fall River-it ku ndodhi ngjarja, Paul Coogan, tha se: “Shumë prej këtyre njerëzve kishin nevojë për ndihmë thjesht për të dalë nga ndërtesa, dhe në një përpjekje me pesë yje nxorrëm sa më shumë njerëz që mundëm.”

Momentalisht, numri i saktë i viktimave dhe i të lënduarve nuk është bërë i ditur. Ekipet e zjarrfikësve vazhdojnë të luftojnë me flakët dhe ndërsa një hetim urgjent është duke u zhvilluar, zyrtarët po i kërkojnë publikut të shmangë zonën./tvklan.al, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE