Sali Berisha: Pogradeci ndodhet para një agresioni mafioz të klaneve Rama-Xhafaj që do t`i zhdukë identitetin

Gjatë fjalës së tij në takimin me aktivistët dhe urbanistët e qytetit të Pogradecit, lideri demokrat Sali Berisha, u shpreh se nëse qytetarët nuk i dalin zot këtij qyteti, kullat që po ndërtohen do të vazhdojnë deri në Tushemisht, madje dhe kur të mbarojë ky territor, do i kthehen territorit tjetër, nga Pogradeci në Lin.

“Armand Lilo që përflitet se është autori i këtyre kullave, e paraqesin si krushqi të Fatmir Xhafës. Nuk e di nëse kanë lidhje me krushqinë e tyre, por një gjë është e sigurtë. Kanë lidhje me mafiozin Fatmir, kanë lidhje me klanin e drogës”,– u shpreh Berisha.

Gjithashtu, ish-kryeministri i vendit thekson se Pogradecin po e sulmojnë dy klanet mafioze më të fuqishme të pushtetit, klani Rama dhe klani Xhafa.

Më tej, Berisha shton se Pogradeci ndodhet para një agresioni mafioz, që do t`i zhdukë identitetin e tij.

Fjala e plotë:

Tani qytetit i del bajlozi i zi. Liqeni nuk ka bajloz të zi, i del si kuçedër, i del mafia dhe do të ja lidhë sytë, do të ja shkatërrojë brigjet, të ja prishë identitetin. Faktikisht do ta transfigurojë dhe e tëra vetëm për qëllime pasurimi të saj.

Por mendja më e mbrapshtë mbi tokë nuk mund të bëhet, se e transformuar nga mafia, nga vjedhjet se sa të imagjinosh kullat buzë këtij liqeni.

Ky bukurinë e ka për tu parë, për t`u soditur, apo për tu bllokuar me kulla. U garantoj se ato kulla që fillojnë aty, nëse qytetarët nuk i dalin zot këtij qyteti, do të vazhdojnë gjer në Tushemisht. Dhe kur të mbarojë ky territor, do i kthehen territorit tjetër, nga Pogradeci në Lin.

Ju nuk mund të imagjinoni se cilat janë sasitë kolosale gjigante, të narkoeurove të trafikantëve shqiptare.

Këtu u tha se janë 120 studio arkitekturore botërore. Dhe natyrisht kjo është risi pozitive, por problemi është ky, se prapa projekteve të tyre janë organizatat kriminale më të rrezikshme të Europës dhe botës. Janë ato organizata që me fuqinë e tyre kanë shtrirë përdhe monedhën e BE-së dhe dollarin amerikan, i kanë zhvlerësuar në mënyrë të pamëshirë 30-40 përqind të tyre, duke ndëshkuar në këtë mënyrë, në mënyrë apo një tjetër, çdo qytetar shqiptar që jeton me ndershmëri dhe djersën e tij.

Vetëm njëri prej tyre ka transferuar nga bandat e Dubait në bankat Europiane, 3 miliardë euro. Që të gjithë këta kanë një shtyllë dhe ky është Edi Rama.

Armand Lilo që përflitet se është autori i këtyre kullave, e paraqesin si krushqi të Fatmir Xhafës. Nuk e di nëse kanë lidhje me krushqinë e tyre, por një gjë është e sigurtë. Kanë lidhje me mafiozin Fatmir, kanë lidhje me klanin e drogës, Fatmir, Fatzi Xhafa. Dhe të mos mendojë kush kurrë se, do të guxonte as Armandi dhe as Fatziu që të imagjinojnë një kullë apo një ndërtim këtu, pa padrinon, pa Edi Ramën. Jo absolutisht.

Sot dihet miq, nuk duhet të bëhemi naiv, dihet se ky është kryeministri i vetëm në botë i cili firmos për çdo leje ndërtimi në territorin e këtij vendi, pa le më në zonat turistike.

Pra, Pogradecin kush po e sulmon. Po e sulmojnë dy klanet mafioze më të fuqishme të pushtetit, klani Rama dhe klani Xhafaj. Edhe njëherë nuk kam asnjë dijeni se, ky Lilo ka lidhje gjaku me krushqinë e Fatmir Xhafës. Fare s’më intereson. Më intereson që firmat e zeza të Fatmir Xhafës janë në mbështetje duke i dhënë tokë këtij në Tiranë etj., etj. Një seri veprimesh. Kjo është e vërteta.

Pogradeci ndodhet para një agresioni mafioz që do ti zhdukë identitetin e tij.

Related Posts

Portieri vdes tragjikisht, pas pritjes së penalltisë me gjoks. Momenti dramatik fiksohet me video

Edson Lopes Gama, portieri 16-vjeçar, humbi tragjikisht jetën pas pritjes së penalltisë me gjoks gjatë një stërvitjeje me ekipin e tij amator në shtetin e Amazona, në…

Leku letër! Katër shenjat e horoskopit që i tërheqin paratë “me magnet”

Sipas astrologjisë, këto katër shenja të horoskopit kanë aftësi për të tërhequr më lehtë pasurinë dhe janë të lindur për të fituar para. Demi Demi ka aftësi…

“Po më shqetëson gjendja e Gjestit…”/ Psikologia e njohur shtang me deklaratën e papritur(Video)

Antigona Sejdiu, e njohur si psikologe dhe mjaft prezente në TV, së fundi ka folur edhe për Gjestin. Në “The Elite Way”, ajo ka treguar se është…

Çfare zemre! Ja komenti EPIK i Gjestit për dasmën e Luizit dhe Kiarës

Gjesti, një nga emrat më të komentuar të këtij sezoni të Big Brother VIP Albania, po bëhet gjithnjë e më i dashur për publikun. Ai po fiton…

“Naimi e mbajti me forcë që mos t’i shmanget plumbit” – detaje tronditëse për vrasjen e Liridona Ademajt

Prokuroria Themelore në Prishtinë sot ka njoftuar se është ngritur aktakuzë ndaj katër të dyshuarve – Naim Murseli, Kushtrim Kokalla, Granit Plava dhe Tom Dodaj, për rastin…

Anulohet televotimi/ E gjithë shtëpia në nominim, kush do të largohet të shtunën?

Në mbrëmjen e djeshme, Zarfi i Zi i hapur në shtëpinë e “Big Brother” vendosi që tre banorë – G Bani, Jozi dhe Amber – të shkonin…