Dy të plagosur me armë zjarri në Sarandë, nisin drejt Spitalit të Traumës. Ngjarja ka ndodhur në lagjen nr. 4. Policia po punon për identifikimin e autorit dhe zbardhjen e rrethanave.

SARANDË – Dy persona kanë mbetur të plagosur pas një incidenti me armë zjarri që ka ndodhur pasditen e sotme në lagjen nr. 4 të qytetit të Sarandës. Në foto shikoni panje nga vendi i ngjarjes.

Sipas të dhënave paraprake nga Policia e Shtetit, ngjarja është regjistruar rreth orës 15:00, ndërsa rrethanat mbeten ende të paqarta.

Të plagosurit janë identifikuar Ernest Lama 24 vjeç dhe Gëzim Hajdaraj, 32 vjeç. Fillimisht ata kanë marrë ndihmën e parë në spitalin rajonal të Sarandës, ndërsa më pas janë nisur drejt Spitalit të Traumës në Tiranë për trajtim të specializuar.

Grupi hetimor, nën drejtimin e Prokurorisë pranë Gjykatës së Shkallës së Parë Sarandë, ka nisur punën për të identifikuar autorin apo autorët e dyshuar dhe për të dokumentuar ligjërisht ngjarjen.

Policia deklaron se është duke mbledhur dëshmi dhe prova materiale nga vendi i ngjarjes, ndërkohë që do të informojë më tej për zhvillimet e hetimit.

Sarandë/Informacion paraprak

Sot, rreth orës 15:00, në lagjen nr. 4, Sarandë, në rrethana ende të paqarta, dyshohet se janë plagosur me armë zjarri shtetasit G. H., 32 vjeç dhe E. L., 24 vjeç, të cilët pas ndihmës së parë mjekësore në spitalin e Sarandës, do të dërgohen drejt spitalit të Traumës, Tiranë, për mjekim të specializuar.

Grupi hetimor, nën drejtimin e Prokurorisë Sarandë, po vijon punën për identifikimin e autorit, zbardhjen e e rrethanave dhe dokumentimin e plotë ligjor të kësaj ngjarjeje.