Një ngjarje e pazakontë ka ndodhur së fundmi në qytetin e Korçës, ku një çift i ri që sapo ka nisur bashkëjetesën në një shtëpi me qira, ka përfunduar në spital pas konsumit të substancave narkotike.

Sipas raportimit të gazetares së “Aldo Morning Show”, çifti kishte vendosur të provonte hashash, por jo në mënyrën tradicionale përmes duhanit, por duke e konsumuar në formë vaji me pikatore poshtë gjuhës – një metodë që është gjithnjë e më e përhapur në qarqe të caktuara.

Sipas gazetares, ishte djali ai që i dha fillimisht vajzës substancën, e cila filloi të ndjente efekte të menjëhershme, përfshirë ndryshime në të folur dhe sjellje të çuditshme. Më pas, edhe djali konsumoi të njëjtin produkt. Situata u përkeqësua për të dy dhe ata përfunduan në spital, ku morën ndihmën e nevojshme mjekësore.

Ende nuk dihet saktësisht sasia dhe përbërja e substancës së konsumuar, ndërsa ngjarja ka ngritur shqetësime lidhur me mënyrën e re të përdorimit të drogave, veçanërisht tek të rinjtë.

Autoritetet kanë nisur hetimet për të zbardhur rrethanat dhe origjinën e substancës, ndërkohë që mjekët paralajmërojnë për rrezikun e konsumit të lëndëve narkotike me metoda të tilla, të cilat mund të shkaktojnë efekte të paparashikuara dhe të rrezikshme për shëndetin, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE