Françesk Bica dhe Darvin Bica, 8 dhe 10 vjeç, janë dy vëllezërit të cilët humbën jetën ditën e djeshme teksa u futën për tu larë në lumin e Shkumbinit. Tragjike kjo për familjen Bica, dy të miturit nuk mundën të dilnin më në breg për shkak të rrymave të forta të lumit.

Familja Bica ka hapur ditën e sotme dyert e mortit për dy fëmijët, ku do të mbahet dhe ceremonia mortore në shtëpinë e tyre në Labinot-Fushë në orën 16:00 të pasdites.

“Zemrat e mia, ma këputët shpirtin”, familja Bica hap

Françesk dhe Darvin teksa po kullosnin bagëtitë ditën e djeshme të shoqëruar nga nëna e tyre, ndaluan për tu larë në lumin e Shkumbinit. Për fat të keq të miturit nuk mundën të dilnin të gjallë, ndërsa trupat e tyre të pajetë u gjetën disa orë më vonë disa metra më poshtë në një kanal të lumit nga banorët e zonës.

Tashmë dy engjëj, familjarët kanë reaguar dhe një rrjete sociale për ndarjen e tyre të parakohshme nga jeta.

Dy fëmijët që shihni në foto janë vëllezërit, të cilët humbën jetën tragjikisht ditën e djeshme në ujërat e lumit Shkumbin. Kjo fotografi është e fundit e shkrepur nga babai me dy të vegjlit e tij, tashmë të larguar përgjithmonë nga kjo botë.

Të shoqëruar nga nëna e tyre, ata po kullosnin bagëtinë, ndërsa në një moment u ndalën për tu larë në lum, veprim që për ta u kthye në një tragjedi. Rrjedhat e forta të lumit nuk i lanë dy vëllezërit që të dilnin në breg, ndërsa trupat e tyre të pajetë u gjetën disa orë më vonë pak metra më poshtë nga banorët e zonës.

Trupat e pajetë të dy vëllezërve, 7 dhe 9 vjeç janë dërguar në morg ku do të kryhet dhe ekspertiza mjeko-ligjore. Familjarët e dy vëllezërve tashmë janë në gjendje të rënduar psikologjike ndërsa një i afërm i tyre tregoi për mediat momentin e gjetjes së dy trupave të pajetë të fëmijëve.

“Isha te puna, pash policinë, pash që po vinin me vrap. Një zotëri që punon te hidrocentrali, njëri fëmijë kishte në krah. Pash të ëmën që po përplasej këtej, të atin nuk e di nga ikte më… I njoh, i kam njerëzit e mi, u turra dhe unë me vrap.

Kanë bagëtitë, i nxjerrin këtej zallit, me ato mbahen. Prindërit mbajnë lopët, këta mbajnë bagëtitë e imëta, delet.

Më tutje është bërë një gropë e madhe, kanë bërë një pritë, dhe aty i kishte gjet roja i hidrocentralit. Njërin fëmijë e kishte polici në krah, ja mora i bëra frymëmarrje artificiale, nuk jepet reagim fare. Vinin çdo ditë te puna ime mbushnin ujë, rrinin aty kur ishte vapë”, tha ai.