Aksident tragjik në aksin Lezhë–Shkodër: një e vdekur dhe katër të plagosur, mes tyre një fëmijë

Një aksident i rëndë rrugor ka ndodhur mbrëmjen e sotme, rreth orës 22:00, në aksin Shkodër–Lezhë, pranë fshatit Dajç (Fishte), ku janë përfshirë një automjet dhe një trailer me targa serbe. Si pasojë e përplasjes së fortë, automjeti ka dalë nga rruga dhe ka përfunduar në një kanal anësor.

Fatkeqësisht, nga përplasja ka humbur jetën në vendngjarje një grua, shtetasja R. Ç, rreth 56 vjeçe.

Katër persona të tjerë kanë mbetur të plagosur, përfshirë:

A. Ç., 35 vjeçe,

fëmija i saj 3-vjeçar,

L. Ç., rreth 60 vjeç,

si dhe drejtuesi i automjetit, K. S.

Të plagosurit janë nxjerrë nga kanali me ndihmën e banorëve të zonës dhe forcave të policisë, dhe janë transportuar me urgjencë drejt Spitalit të Traumës në Tiranë për ndihmë më të specializuar mjekësore.

Ndërkohë, drejtuesi i mjetit trailer, S. I., banues në Serbi, është shoqëruar në Komisariatin e Policisë për veprime të mëtejshme ligjore.

Grupi hetimor ndodhet në vendin e ngjarjes dhe po punon për të sqaruar plotësisht shkaqet dhe rrethanat e aksidentit. /noa.al