Kjo javë është një moment delikat për zemrën. Disa shenja do të përjetojnë emocione të reja, vendime të mëdha dhe qartësi ndjenjash, ndërsa të tjera do ndihen të pasigurta, në kërkim të qëndrueshmërisë që mungon.

Dashuria, në këtë periudhë, nuk është gjithmonë e thjeshtë: kërkon vëmendje, mirëkuptim dhe shpesh, një hap pas për të bërë dy hapa para.

Venusi dhe Mërkuri ndikojnë ndjeshëm në mënyrën se si flasim për ndjenjat dhe si i përjetojmë ato. Ja si do të ndikojnë yjet në dashurinë tuaj këtë javë, sipas shenjës.

Dashi

Beqarët ndihen të paqartë, zhgënjimet e fundit nuk e bëjnë të lehtë nisjen e një lidhjeje të re. Në çift, është koha për të kërkuar dialog të sinqertë. Kujdes të mërkurën dhe të enjten – mund të lindin tensione të panevojshme.

Demi

Takime interesante për beqarët, por edhe rikthim i një ndjenje të papërfunduar. Në çift, fundjava sjell mundësinë për t’u ulur e për të folur hapur. Nëse ka pasur distancë, kjo është koha për të zhbërë ftohtësinë.

Binjakët

Javë e mirë për njohje të reja, veçanërisht përmes komunikimit të hapur dhe spontan. Në marrëdhëniet ekzistuese, kjo është një javë për të zgjidhur mosmarrëveshjet dhe për të rindezur afërsinë përmes planeve të përbashkëta.

Gaforrja

Në kulmin e ndjenjës. Beqarët përjetojnë emocione të reja, ndërsa çiftet mund të ndërmarrin hapa konkretë si fejesa, bashkëjetesa apo një vendim që i lidh më fort. Dita e diel është e veçantë për ndjenjat.

Luani

Shkëlqim dhe dëshirë për të rënë në sy. Nëse je vetëm, mund të ndodhë një takim shumë i veçantë që ndryshon shumëçka. Çiftet ndihen më të lidhur, veçanërisht nëse lihen mënjanë mosmarrëveshjet për gjëra të vogla.

Virgjëresha

Shenjat e interesit janë të qarta, por ti heziton. Nëse je vetëm, mund të afrohet dikush që të vlerëson vërtet, por nuk duhet ta analizosh gjithçka. Në çift, është momenti për të përmirësuar komunikimin emocional.

Peshorja

Je më i/e tërhequr se zakonisht dhe kjo mund të pengojë zhvillimin e njohjeve të reja. Nëse je në një lidhje, puna të shpërqendron dhe mund të krijojë distancë. Kujdes me shenjën e Gaforres dhe Bricjapit.

Akrepi

Venusi të mbështet dhe sjell frymë të re për beqarët që duan të dashurohen sërish. Në çift, e shtuna mund të jetë e ndërlikuar, por me pak qetësi çdo gjë kthehet në normalitet.

Shigjetari

Beqarët janë magnet për ndjenja të reja, takimet e kësaj jave kanë potencial afatgjatë. Në çift, shuhen tensionet dhe rikthehet harmonia. E shtuna është dita ideale për pasion, e diela sjell reflektim të lehtë.

Bricjapi

Në dashuri ndihesh i lodhur. Për ty, tani është më e lehtë të mbash distancë sesa të përfshihesh. Në çift, mendimet janë më shumë rreth çështjeve praktike. Emocionalisht, ke nevojë për më shumë qetësi.

Ujori

Marrëdhëniet hyjnë në një fazë vendimtare. Beqarët duhet të marrin vendime të qarta – ka një person interesant në horizont. Në çift, është koha për bashkëpunim dhe vendime të përbashkëta. Kujdes ndaj konflikteve të vogla nga e shtuna.

Peshqit

E diela është e mbushur me ndjeshmëri dhe dyshime. Beqarët ndihen të pavendosur, ndërsa çiftet mund të ndihen të ftohur për shkak të distancës ose moskuptimeve. Nga gushti, gjërat nisin të ndryshojnë dhe Venusi kthehet në favor.