VLORA- Të tjera detaje janë zbardhur nga plagosja e 25-vjeçarit në Vlorë që dyshohet se ka ndodhur si pasojë e një konflikti të mëparshëm.
Bëhet me dije se autori Shkëmbor Skënderaj ka hyrë brenda berberhanes ku ndodhej 25-vjeçari Margarit Shakaj dhe e ka goditur atë me thikë në kraharor.
Mësohet se pas sulmit, Skënderaj e ka hedhur thikën në trotuar dhe është larguar me vrap ndërsa policia ende nuk ka arritur ta arrestojë.
Vlorë/Informacion paraprak
Sot, rreth orës 19:00, në lagjen “Isa Boletini”, në një berberhanë, dyshohet se gjatë një konflikti për motive të dobëta, shtetasi Sh. S., 24 vjeç, ka plagosur me mjet prerës (thikë) shtetasin M. Sh., 25 vjeç, i cili ndodhet në spital, jashtë rrezikut për jetën.
Vijon puna për kapjen e autorit të dyshuar, i cili është shpallur në kërkim menjëherë pas ngjarjes.
Grupi hetimor po vijon punën për sqarimin e plotë të rrethanave dhe dokumentimin ligjor të kësaj ngjarjeje.
