Një qytetar i cili prej më shumë se një jave po pushon në Dhërmi ka raportuar në redaksinë tonë braktisjen dhe boshatisjen e këtij plazhi edhe sot që është mesi i verës dhe data shënon 31 korrik.

Ai thotë se prej 1 jave “çadrat janë plot” dhe s’ke ku të ulesh ndërkohë që turistët janë të panumërueshëm.

Ai ka treguar se çmimet e çadrave variojnë nga 20 mijë lekë të vjetra deri në 30-40 e 50, por çmimet e restoranteve dhe hoteleve janë ato që rëndojnë më tepër në xhepat e pushuesve dhe emigrantëve që mezi presin të kalojnë pushimet në atdhe.

Përballë kësaj situate dhe braktisje të plazheve, qytetari emigrant thotë se kjo është hera e fundit që bën pushime në Shqipëri pasi vitet e ardhshme do konsiderojë Francën si destinacion pushimesh.

Ndërkohë duhet thënë se Drimadha, Dhërmiu dhe Palasa po përjetojnë një rënie drastike të vizitorëve në ditët e zakonshme të javës, ndërsa vetëm fundjava mbetet momenti kur zonat mbushen me njerëz. Strukturat akomoduese dhe bizneset e restoranteve kanë konfirmuar se pushuesit preferojnë të shfrytëzojnë Jugun për pak ditë, kryesisht fundjavën, duke shmangur qëndrimet më të gjata që dikur ishin normale.

Mesazhi i qytetarit:

“31 korrik 2025 Dhermiu plot nuk ke ku ulesh. Jugu po shperthen nga turistat sic thote i gjati. Kam 1 jave knej ska kembe robi. Ca vet ne weekend nga Tirona edhe vetem te huj jane. Koha eshte e mire, vetem pak ere ka. 3 reshtat e pare jane 30 mije lek, me pas 20 mije lek. Nuk vi me ktu, jam emigrant iki me france