Qeveria ndryshon ligjin për OJQ-të: Gjobë deri në 60 mijë lekë për të dhëna të rreme – ja çfarë parashikojnë nenet e reja

Tiranë – Qeveria ka miratuar një projektligj, i cili sjell ndryshime dhe shtesa në ligjin nr. 80/2021 “Për regjistrimin e organizatave jofitimprurëse”, duke përforcuar rregullat për regjistrimin, mbajtjen e të dhënave dhe sanksionet administrative për shkeljet.

Ndër ndryshimet kryesore të miratuara janë:

Zëvendësimi i termit “Gjykata e Rrethit Gjyqësor Tiranë” me emërtimin e ri “Gjykata e Shkallës së Parë e Juridiksionit të Përgjithshëm Tiranë”.

Rikategorizimi i termave ligjorë, ku “regjistrim tjetër” zëvendësohet me “regjistrim i ndryshimeve të të dhënave”.

Vendimi për regjistrimin ose çregjistrimin e një OJQ-je do të merret nga një gjyqtar i seksionit tregtar i Gjykatës së Shkallës së Parë në Tiranë.

Vendimet e gjyqtarit për mospranimin e kërkesave mund të ankohen në Gjykatën e Apelit të Juridiksionit të Përgjithshëm, brenda 15 ditëve pune.

Shtohen sanksione të reja administrative:

60,000 lekë gjobë për deklarim të dhënash të pavërteta në regjistrin elektronik;

60,000 lekë gjobë për mosregjistrimin e ndryshimeve të të dhënave;

Këto vendime gjyqësore mund të ankohen në Gjykatën Administrative të Shkallës së Parë Tiranë.

Ligji i ri do të hyjë në fuqi 15 ditë pas botimit në Fletoren Zyrtare, dhe synon të forcojë transparencën, përgjegjshmërinë dhe korrektësinë ligjore në veprimtarinë e OJQ-ve në Shqipëri. /noa.al