Një qytetare ka denoncuar një ngjarje shqetësuese të ndodhur gjatë rrugës për punë në Durrës, në zonën midis Urës së Dajlanit dhe plazhit. Ajo dhe një shoqe e saj janë përballur me një person që ka filluar t’i ndiqte në mënyrë të çuditshme, duke folur nëpër dhëmbë fjalë banale dhe duke u afruar deri në një cep të rrugës, siç shihet edhe në foton e bashkangjitur.

Kjo sjellje i ka shqetësuar ata dhe ka ngritur dyshime për qëllimet e personit. Sipas denoncueses, individë të tillë shpesh veprojnë me qëllim ndaj vajzave ose grave që janë të vetme, sepse i dinë mundësitë për të i frikësuar dhe shpëtuar pa pasoja.

Qytetarja e cila denoncon rastin apelon që kjo sjellje të trajtohet me seriozitet dhe të raportohen raste të tilla për të garantuar sigurinë e vajzave dhe grave që lëvizin vetëm. Ajo thekson se këta individë nuk janë të rastësishëm, por veprojnë në mënyrë të qëllimshme, duke zgjedhur momente dhe individë të caktuar për të realizuar veprimet e tyre. Ajo u bën thirrje të tjerëve që të ndajnë përvoja të ngjashme dhe të reagojnë bashkërisht për të garantuar një mjedis më të sigurt për të gjithë.

Denoncimi i qytetares:

Përshëndetje! Zona midis urës së Dajlanit dhe plazhit, Durrës. Sot, gjatë rrugës për në punë bashkë me një shoqe, u përballëm me një person që na afrohej në mënyrë të çuditshme, fliste nëpër dhëmbë dhe na ndiqte për gjatë rrugës drejt plazhit. Na u bë shumë i dyshimtë dhe në fund ndaloi në një cep të rrugës, siç shihet edhe në foto. E ndaj këtë sepse kjo sjellje është shqetësuese dhe e rrezikshme, sidomos për vajzat e gratë që lëvizin vetëm. Këta tipa nuk janë aspak budallenj, përkundrazi, e dinë mirë kë përzgjedhin dhe kur e bëjnë veprimin. Ata veprojnë ndaj vajzave ose grave që janë të vetme, sepse e dinë që është më e lehtë t’i frikësojnë ose t’i shpëtojnë ndëshkimit. Në prani të burrave ose çiftit burrë-grua, nuk guxojnë as të afrohen. Kjo është sjellje e qëllimshme, jo “çmenduri”, dhe duhet trajtuar siç e meriton me raportim dhe reagim komunitar. Nëse dikush tjetër e ka përjetuar diçka të ngjashme, është mirë të flasim dhe të. Fliste nën zë fjalë të pista.