Banorët e një disa banesave që ndodhen ngjitur me Spitalin e Traumës në kryeqytet, i janë drejtuar redaksisë sonë për të denoncuar një problem që ka vite që i shqetëson.

Problemi lidhet me helikopterin ushtarak i cili herë pas here përdoret si ambulancë ajrore për raste emergjente. Sa herë që helikopetri afrohet te spitali për të lënë pacientët, kalon shumë pranë banesave të zonës.

Banorët tregojnë se forca e madhe e helikave ka vite që u thyen dyert dhe dritaret: “Kjo lagje vuan prej vitesh këto pasoja, me thyerje dyersh e dritaresh, pemë e lule. Rrobat e vendosura nëpër ballkone fluturojnë dhe s’gjenden më,” thotë denoncoesi.

Ai shtron se kjo gjë ndodh vetëm me helikopertin ushtarak që ka më shumë forcë, pasi për emergjencat e tjera ajrore vijnë nga ana tjetër e banesave dhe nuk shkaktojnë probleme.

“Na tmerruan kalamanjtë. Ku nuk jemi ankuar dhe nuk marrin asnjë zgjidhje,” shton ai.

Banorët kërkojnë që helikopteri ushtarak të mos kalojë më sipër çative të tyre në rast emergjencash, por të veprojë si mjetet e tjera fluturuese, të cilat nuk shkaktojnë problem për banorët.

Denoncimi i plotë:

“Pershendetje, nje helikopter ushtarak qe vjen siper nje lagje te banuar per tu ulur ne pisten e spitalit ushtarak eshte nje katastrofe! Kjo lagje vuan prej vitesh kto pasoja , me thyerje dyersh e dritaresh , peme e lule , rroba te vendosura neper ballkone fluturojne e sgjenden me! Te gjithe urgjencat e tjera ajorore vijne nga ana tjeter ku nuk bejne asnje dem , vetem helikopteret ushtarak vijne siper shtepive, na tmerruan kalamajt! Kemi bere disa here kerkesa e lutje po asnjeher skemi gjetur zgjidhje! Shpresoj ta publikoni meqe mbetet e vetmja zgjidhje ne kte vend ju si faqe! Faleminderit.”