Duket se Egli Tako vazhdon të gëzojë një dashuri të jashtëzakonshme nga fansat e saj.
Një video e re nga prapaskenat e koncertit të fundit të artistes tregon momente emocionuese, ku turma me njerëz i afrohet Eglit me entuziazëm për ta takuar, për të bërë foto dhe për ta përshëndetur nga afër.
Në pamjet që po qarkullojnë në rrjete sociale, shihen qartë fansa të shumtë që e ndjekin me vrap teksa ajo largohet nga zona e prapaskenës, duke treguar se pavarësisht kritikave për lëvizjet apo performancën e saj në skenë, mbështetja ndaj saj mbetet e fortë.
Ky moment i sinqertë dëshmon edhe një herë se lidhja midis një artisti dhe publikut nuk matet gjithmonë me komente online, por me dashurinë që ata shprehin në jetën reale.
