I ftuar në “Live From Tirana” me Ronaldo Sharkën, ka qenë aktori i njohur dhe njëkohësisht finalisti i “Big Brother VIP Albania 4”, Laert Vasili. Ai ka folur më shumë për karrierën e tij artistike, rrugëtimin e tij në këtë edicion të reality show, mendimin e tij për fituesin, Gjestin, por dhe shumë më tepër…
Pjesë nga intervista:
Ronaldo: Do ta ftoje ndonjëherë Gjestin në teatër për të parë një shfaqje?
Laert: Unë madje do luaja me të.
Ronaldo: Si do ishin rolet? Për çfarë bëhet fjalë?
Laert: E kam shkruar gjatë COVID-it këtë, i frymëzuar nga tre vepra të njohura ndërkombëtare me dy personazhe. E kam sjellë në realitetin shqiptar. Janë dy veta në një oborr që luajnë tavëll dhe mendojnë si do bëjnë shumë para. Dhe zgjidhja që gjejnë, është të sjellin punëtorë nga Afrika. Do ishte perlë! Tani që e thua, mund të ishte e bukur shumë.
