Eneido Guri, 14-vjeçari që dyshohet se me një goditje thike i mori jetën bashkëmoshatarit të tij, ndodhet në një gjendje të rënduar psikologjike, çka ka bërë që grupi hetimor të mos mund ta marrë ende në pyetje.
Sipas burimeve, gjatë ditës së sotme pritet që, në prani të avokatit, psikologut dhe familjarëve, të sigurohet dëshmia e tij. Ndaj të miturit rëndon akuza e rëndë e “vrasjes me dashje”.
Rezultati i ekspertizës mjeki-ligjore ka nxjerr në pah se vdekja e 14-vjeçarit Erald Xhejo ka ardhur si pasojë e një goditje të vetme me thikë në zemër. Plaga e marrë ka rezultuarat fatale për të duke i marrë jetën brenda pak minutash në vendngjarje.
Pas krimit autori ka tentuar të largohet me makinë nga vendi i ngjarjes, ndërsa xhaxhai i tij ka marrë nga skena e krimit thikën me të cilën nipi i tij kreu vrasjen, e ka larë dhe më pas e ka fshehur duke penguar hetimet.
