Një qytetare ka dërguar një denoncim në redaksinë e JOQ Albania, duke treguar për një situatë mashtrimi dhe borxhi të pazgjidhur me një shtetas nga Shkodra.

Sipas saj, njohja me zotërinë u bë përmes nënës së tij, Meliha Shkreli, e cila e rekomandoi djalin për një lidhje serioze. Qytetarja, e cila jeton në Gjermani, i besoi situatës dhe fillimisht nuk dyshoi.

Pas disa muajsh, personi i njohur si Gazmend Zuesi, 37 vjeç, i divorcuar dhe me një vajzë 6-vjeçare, i cili jeton në Francë, nuk ka kthyer një shumë prej 600 eurosh, të cilat qytetarja i kishte dhënë si borxh. Pavarësisht kërkesave të përsëritura drejtuar tij dhe nënës së tij, borxhi mbetet i paqartë dhe i pazgjidhur.

Qytetarja ka vendosur të ndajë këtë rast publikisht përmes JOQ, duke paralajmëruar të tjerët që të jenë të kujdesshëm në njohje dhe marrëdhënie financiare me individë të panjohur, edhe nëse vijnë përmes rekomandimeve familjare.

Mesazhi i plotë i qytetares:

“Përshëndetje JOQ, kam njohur një zotëri nëpërmjet nënës së tij, Meliha Shkreli. Ajo ma këshilloi djalin e saj për njohje serioze. I besova dhe mendova që nuk do të kisha zhgënjim. Kur pashë që muajt kaluan dhe ai nuk po ndryshon, edhe eurot e mia nuk po mi kthen, atëherë u tërhoqa. Ai quhet Gazmend Zuesi, 37 vjeç, nga Shkodra, i divorcuar me një vajzë 6-vjeçare dhe jeton në Francë. Unë jetoj në Gjermani. Më pas i luta disa herë këtij dhe nënës së tij për borxhin që më kishte. Nënës së tij i tha: “Ju jeni marrë vesht, unë vetëm ju kam prezantuar.” Kurse ai më rren duke thënë që do t’ia jap, por deri më 10.02.2025 nuk mi ka kthyer eurot e mia. Janë 600 euro që më ka. Duke parë që ju jeni një faqe shumë e njohur, mendova ta ndaj këtë problem që ju ta publikoni në internet”.