DIBËR- Paradoks, madje situatë shqetësuese në fshatin Vleshë në Dibër, ku një person pretendon se është pronar i Ujit të Ftohtë.

Sipas denoncimit të qytetarit për JOQ, ky individ po ndalon me forcë njerëzit të kenë qasje në këtë burim të rëndësishëm publik.

Banorët tregojnë se pronari i pretenduar i ujit i largon vizitorët duke përdorur kërcënime dhe dhunë verbale. Ai u thotë qytetarëve më mirë të largohen me dëshirë ose ndryshe do përdorë dhunë. Kjo situatë ka krijuar shqetësim në komunitet, pasi qasja në këtë burim është e rëndësishme për shëndetin dhe jetën e banorëve.

“Përshëndetje! Ujit të ftohtë në Vleshë, të njësisë administrative Sllovë, Dibër, i del pronari. Shiko çfarë bëhet! Aty është uji i ftohtë kurativ, që historikisht është frekuentuar nga njerëzit. Ai person pretendon të jetë pronari i ujit dhe po i largon njerëzit me forcë. Thotë: “Ikni, me të mirë, ose më dajak.” Me pak fjalë, bëhet pengesë për njerëzit dhe i kërcënon. Ndoshta institucionet (policia) duhet të ndërhyjnë”, shkruan qytetari.