Dy foshnje të lindura para kohe, me peshë nën një kilogram, kanë ndërruar jetë në spitalin San Maurizio të Bolzanos në Itali, si pasojë e një infeksioni të rëndë.
Autoritetet shëndetësore dyshojnë se burimi i infeksionit ka qenë një detergjent për enë që përdorej në spital, i cili u tërhoq menjëherë pas ngjarjes.
Foshnjet kishin lindur në javën e 23-të dhe të 27-të të shtatzënisë dhe u prekën nga bakteria Serratia marcescens, e njohur për rrezikshmërinë tek personat me sistem imunitar të dobët.
Drejtori i spitalit ka konfirmuar se pas incidentit, të gjithë detergjentët e përdorur në spitalet e Bolzanos janë tërhequr, ndërsa përkohësisht është ndaluar prania e foshnjave të lindura shumë herët në këtë strukturë shëndetësore.
Prokuroria ka hapur hetime për të përcaktuar nëse ngjarja lidhet me neglizhencë ose mungesë kujdesi. 🡇Shtყpηi imazhin më ρoshtë dhe hap gaIerinë e ρIotë🡇
