Numri i të vdekurve nga shembja e një ure në ndërtim e sipër në Kinë ka shkuar në 12, ndërsa katër persona rezultojnë ende të zhdukur, raporton gazeta zyrtare People’s Daily.

Ngjarja ndodhi në orët e para të mëngjesit, rreth orës 03:00 me orën lokale (22:00 ET), në provincën perëndimore Qinghai. Sipas autoriteteve, në momentin e incidentit, 15 punëtorë dhe një kryepunëtor ndodheshin në kantierin e ndërtimit të urës që lidh dy brigjet e Lumit të Verdhë.

Sipas informacioneve paraprake, një kabllo mbajtëse u këput papritur, duke shkaktuar shembjen e pjesës së strukturës ku ndodheshin punëtorët.

Ura, e projektuar për transport hekurudhor, kombinon një dizajn harkor me elementë të përforcuar me rrjetë dhe shtylla, duke e bërë ndërtimin e saj një projekt kompleks inxhinierik.

Pamjet e publikuara nga People’s Daily tregojnë strukturën e papërfunduar, me pjesën qendrore ende në ndërtim, të rrethuar nga skela metalike dhe vinça të mëdhenj ndërtimi.

Ekipet e kërkim-shpëtimit janë ende në terren dhe operacionet për gjetjen e të zhdukurve vazhdojnë pa ndërprerje. Autoritetet lokale kanë nisur një hetim të plotë për të zbuluar shkaqet e incidentit dhe për të vlerësuar nëse janë respektuar standardet e sigurisë në ndërtim,