Pandeli Nakoleci, 40-vjeçari që vrau brutalisht bashkëshorten e tij, Marjola Nakoleci, në sy të fëmijëve, u paraqit sot para gjykatës së Volosit. I rrethuar nga një numër i madh forcash policore, ai qëndroi me kokën ulur dhe heshti kur gazetarët e pyetën: “Pse e bëre?”
Sipas policisë greke, Nakoleci u arrestua ditën e djeshme në rrugën Pagason, vetëm 200 metra larg banesës ku kreu krimin. Ai ishte fshehur në një truall të afërt dhe gjatë kapjes kishte veshur rroba që kishte gjetur në koshat e plehrave, pa telefon apo sende personale me vete.
40-vjeçari nuk tregoi asnjë pendesë, duke deklaruar se: “Ia bëra mirë, nuk pendohem, ajo më tradhtonte.”
