Gjashtë nxënës kanë humbur jetën dhe 24 të tjerë janë plagosur gjatë një ekskursioni shkollor në një plazh në Aleksandri, qyteti i dytë më i madh në Egjipt.

Sipas Ministrisë egjiptiane të Shëndetësisë, ekipet e urgjencës u nisën menjëherë drejt plazhit Abu Talat, një destinacion i njohur turistik, pas raportimeve se disa nxënës po përpiqeshin të dilnin nga dallgët e forta. Pavarësisht ndërhyrjes së shpejtë dhe angazhimit të 16 ambulancave, gjashtë persona u shpallën të vdekur në vendngjarje.

Nga të plagosurit, tre u trajtuan në vend, ndërsa 21 të tjerë u dërguan në spital. Trembëdhjetë prej tyre u shtruan në Spitalin e Specializuar Agamy, ndërsa tetë të tjerë në Spitalin e Përgjithshëm Amriya.

Ministri i Shëndetësisë dhe Popullsisë, Khaled Abdel Ghaffar, deklaroi se po ndiqet nga afër reagimi emergjent dhe se të gjitha kapacitetet mjekësore janë vënë
Për pasojë, autoritetet lokale në Aleksandri kanë urdhëruar mbylljen e plazhit. Flamuj të kuq janë vendosur përgjatë zonës për të paralajmëruar qytetarët që të mos futen në det për shkak të dallgëve të rrezikshme dhe rrymave të forta.

Një hetim ka nisur për të përcaktuar nëse ishin zbatuar masat e duhura të sigurisë gjatë ekskursionit.

Kjo ngjarje e rëndë vjen vetëm pak muaj pas një sërë incidentesh të tjera fatale në brigjet egjiptiane. Në Detin e Kuq, gjashtë turistë rusë humbën jetën pas mbytjes së një nëndetëseje turistike pranë qytetit turistik Hurghada, ndërsa 39 të tjerë u shpëtuan.

Po ashtu, në nëntor 2024, të paktën 11 persona humbën jetën pasi një anije turistike që mbante 44 persona, përfshirë britanikë dhe ekuipazhin, u fundos gjatë një udhëtimi zhytjeje pesëditor. Në qershor 2023, tre shtetas britanikë humbën jetën pas një zjarri në një varkë zhytjeje po në Marsa Alam.