Gazetari Flavio Qarri ka reaguar ashpër ndaj vendimit të Top Channel për ta emëruar Neda Ballukun në rolin e kryeredaktores së sezonit të ri të programit “Për’Puthen”.
Në një reagim në rrjetet sociale, Qarri theksoi se një pozicion i tillë kërkon përvojë dhe aftësi profesionale, duke shtuar se vendimi i televizionit përbën cenim për punën e gazetarëve.
“Balluku nuk mund të bëhet kryeredaktore. Nuk kam gjë me të personalisht, por është cenim i gjithçkaje për të cilën punon një gazetar gjithë jetën e vet,” shkroi ai.
Sipas Qarrit, drejtimi i një redaksie nuk mund t’i jepet dikujt që nuk ka lidhje me profesionin. “Nedën bëjeni opinioniste apo edhe aksionere po të doni, por fjalën ‘kryeredaktore’ mos e deformoni,” përfundoi ai.
Reagimi i gazetarit ka ngjallur diskutime të shumta mbi rolin dhe përzgjedhjen e figurave publike në produksione televizive.
