Në një ditë si dje, e shtune, ku reshjet e dendura të shiut kanë përfshirë pothuajse të gjithë vendit, një ngjarja e pazakontë ka ndodhur në qytetin e Vlorës.

Një 12-vjeçar është lënë jashtë banesës nga nëna e tij, e cila, ka marrë çelësin dhe është nisur drejt Tiranës, duke i lënë të birit vetëm disa monedha në xhep për të “shtyrë ditën”.

Ka qenë gazetari vlonjat Enrik Mehmeti i cili përmes një video të postuar në rrjetet e tij sociale ka denoncuar publikisht këtë rast i cili sipas tij nuk është hera e parë që ndodh. Krah të miturit, ai ka bërë me dije se nëna e 12-vjeçarit është e disata herë që vepron në këtë mënyrë, mirëpo dita e sotme, ku stuhia e furishme ka pllakosur qytetin e shtyu për të bërë këtë denoncim publik.

Me monedhat në duar, i vogli është detyruar të endet i vetëm mes shiu, ndërkohë që ka rrëfyer me fjalë të thjeshta, atë që çdo fëmijët do të donte në një ditë të ftohtë me shi si kjo.

“Do të doja çelësin e shtëpisë, të shkoja në shpi, të haja bukë edhe të flija”, tha ai shkurtimisht.

Ndërkohë që më tej gazetari pohoi se “shkaku” për të cilin ajo nuk ja lë çelësin është fakti se i biri e “humb” dhe për këtë arsye ajo ka gjetur “zgjidhjen” duke lënë të voglin jashtë,