Drejtoresha e Shërbimit të Mbrojtjes Civile të Lisbonës, Margarida Castro Martins, konfirmoi se numri i viktimave nga aksidenti me funikularin “Glória” është rritur në 17.
Në një konferencë për media, ajo deklaroi se dy persona ndërruan jetë gjatë natës në spital, duke e çuar numrin total të viktimave nga 16 në 17.
Gjithashtu, autoritetet kanë bërë të ditur se 21 persona të tjerë janë plagosur, pesë prej tyre në gjendje të rëndë. Ndërkohë, një fëmijë ka pësuar lëndime të lehta, sipas njoftimit të mbrëmjes së djeshme.
Policia ka nisur një hetim në bashkëpunim me kompaninë që menaxhon funikularin “Glória”, një atraksion shumë i njohur për turistët në kryeqytetin portugez, për të zbuluar kush ndodhej në bord dhe çfarë e shkaktoi aksidentin.
Sipas mediave lokale, dyshohet se një kabllo është shkëputur përgjatë rrugës së hekurudhës, duke bërë që funikulari të humbasë kontrollin.
Tramvaji Gloria udhëton nga Restauradores, një shesh në mes të Lisbonës, deri në zonën piktoreske të Bairro Alto. Duhen vetëm tre minuta për të udhëtuar në një drejtim.
Si funksionon tramvaji Gloria?
Ndryshe nga funikularët tradicionalë, dy vagonët në funikularin Gloria punojnë me motorë elektrikë.
Ato janë të bashkangjitura në skajet e kundërta të një kablli transporti, që do të thotë se ndërsa njëri udhëton drejt vendeve të pjerrëta, pesha e tij ngre tjetrin, duke i lejuar ata të ngjiten dhe të zbresin njëkohësisht.
Po ashtu, ka një frenues funikulari që drejton lëvizjen e çdo vagoni. Sipas guidave të ndryshme turistike të Lisbonës, funikulari Gloria ka dy vagonë, të cilët transportojnë mbi tre milionë pasagjerë në vit.
Funksionon çdo ditë të javës, çdo 10 minuta në orët e pikut dhe çdo 15 minuta të dielave dhe festave zyrtare.
Gloria është një nga tre linjat funikulare në Lisbonë, të operuara nga Carris. Mund të transportojë deri në 43 pasagjerë dhe është jashtëzakonisht popullor me turistët.
Funikuli kushton 4.20 euro (3.64 paund) për të shkuar lart e poshtë një herë gjatë së njëjtës ditë.
Kushdo që ka kartën e transportit publik “navegante” 24-orëshe (7 €) mund të udhëtojë falas – e njëjta gjë vlen edhe për turistët me kartën e Lisbonës.
