Një apartament është përfshirë nga flakët mbrëmjen e sotme në lagjen nr.1 të Durrësit. Zjarri ka rënë në një nga hyrjet e një pallati në zonën e njohur të Vollgës, pranë Muzeut Arkeologjik.
Sipas pamjeve të mbërritura në redaksinë e JOQ Albania dhe dëshmitarëve nga vendngjarja, flakët kanë qenë intensive, duke shkaktuar panik tek banorët e zonës.
Në vendngjarje kanë mbërritur forcat zjarrfikëse, të cilat bënë të mundur shuarjen e zjarrit. Gjithashtu, ka shkuar edhe një ambulancë, pasi dyshohet se mund të ketë persona të lënduar. Megjithatë, ky informacion ende nuk është i konfirmuar zyrtarisht.
Nuk dihet nëse në momentin e rënies së zjarrit ka pasur persona brenda apartamentit.
