Një ngjarje e rëndë është regjistruar mbrëmjen e së shtunës në fshatin Llapashticë të Podujevës në Kosovë, ku një person është gjetur i pajetë pak minuta pas raportimeve për të shtëna me armë zjarri.
Sipas Policisë së Kosovës, rreth orës 19:30 është pranuar një informacion për të shtëna në zonë.
Njësitë policore kanë ndërhyrë menjëherë dhe në vendin e ngjarjes kanë hasur një burrë pa shenja jete.
“Ekipet mjekësore kanë konstatuar në vendngjarje vdekjen e viktimës, i cili është mashkull,” ka deklaruar zëdhënësja e Policisë për rajonin e Prishtinës, Flora Ahmeti.
Policia po vijon hetimet për të sqaruar rrethanat e kësaj ngjarjeje dhe për të identifikuar autorin apo autorët e mundshëm të krimit
