Një mesazh i pazakontë ka mbërritur në redaksinë e JOQ Albania, ku një grua ka ndarë historinë e saj personale, duke kërkuar mendimin e qytetarëve.

Sipas saj, disa muaj më parë ajo është bërë nënë e një vajze. Burri i saj këmbënguli që t’i vendoste një emër shumë të veçantë, pa e lënë asaj hapësirë të merrte pjesë në vendim. Në fillim nuk i kushtoi rëndësi, por më pas duke shfletuar rrjetet sociale, gruaja thotë se hasi një vajzë të re dhe shumë të bukur me të njëjtin emër.

Pasi lidhi disa detaje mes emrit dhe datave të veçanta, ajo beson se bashkëshorti ka zgjedhur t’i vendosë vajzës emrin e të dashurës së tij. “Një mashkull që ia vendos fëmijës emrin e të dashurës, është marrëzisht i dashuruar me të. Ai e bën këtë që ta dëgjojë emrin e saj çdo sekondë të jetës,” shkruan gruaja.

Ajo shton se pas këtij zbulimi nuk pati asnjë përballje apo sherr, por thjesht e kuptoi një gjë: “Ai nuk më do. Thjesht më mban në shtëpi për fëmijët, sepse dashurinë e ka diku tjetër.”

Mesazhi i saj i plotë:

Përshëndetje JOQ, Dua të di çfarë mendojnë ata/ato që do ta lexojnë këtë mesazh nëse ju e postoni. Para disa muajsh u bëra nënë e një vajze. Emrin ia vendosi burri, një emër shumë i veçantë që nuk po e përmend. U habita, sepse tek fëmijët e tjerë nuk kishte marrë pjesë për t’ua vendosur emrin.

Më vonë, duke parë rrjetet sociale, pashë një vajzë të re dhe shumë të bukur me të njëjtin emër. Përveç emrit, përputheshin edhe disa detaje të tjera, si data etj. I dhashë vetëm një shpjegim kësaj gjëje: ai që unë e quaj burrin tim, në të vërtetë është më shumë burri i dikujt tjetër, pasi arriti t’i vendoste fëmijës së tij, gjënë më të shtrenjtë në jetë, emrin e të dashurës.

Një mashkull që i vendos fëmijës emrin e të dashurës është marrëzisht i dashuruar me të, saqë do ta dëgjojë emrin e saj çdo sekondë të jetës. 😓 Kujdes nga këta meshkuj, sepse ne mendojmë se i kemi burra, por në fakt zemrën e kanë diku tjetër. Ata i duan njësoj edhe fëmijën, edhe të dashurën.

Çfarë ndodhi mes meje dhe bashkëshortit tim pas këtij zbulimi? Asgjë… thjesht kuptova që ai nuk më do. Dhe kushdo që mund të jetë në vendin tim, le ta kuptojë: AI QË E QUAN BURRË, NUK TË DO! Thjesht të mban në shtëpi për fëmijët, sepse dashurinë e ka diku tjetër, një dashuri aq të fortë sa çfarë ka për fëmijën.

Mos gënjejmë veten kot. Ju lutem, nëse e postoni, anonime.”