Djemtë e ish-ministrit të SYRIZA-s në Greqi u arrestuan në Eksarki nga policia, pasi po qarkullonin të armatosur.

Efektivët arrestuan mbrëmë në Eksarki dy të rinjtë, fëmijë të një politikani të njohur, njëkohësisht dhe ish-ministër i SYRIZA-s, emri i të cilit nuk u publikua nga mediat.

Policia tha se pas kontrollit atyre iu gjetën shkopinj hekuri të palosshëm.

Sipas informacioneve, policia i ndaloi dy të rinjtë për kontroll në një pikë qendrore të zonës pas një marshimi që u zhvillua në qendër të qytetit, informon “Protothema”.

Gjatë hetimit dhe kontrollit që pasoi, atyre iu gjetën edhe doreza që i mbanin në mënyrë të paligjshme.