Emri i Sadia Khan, trajneres së njohur të marrëdhënieve, po përmendet masivisht në rrjetet sociale, teksa një seri publikimesh kanë tronditur imazhin që ajo ka ndërtuar ndër vite. E njohur për platformën e saj “The Sadia Psychology”, ku promovon ndërtimin e marrëdhënieve të shëndetshme dhe fuqizimin personal si “high-value woman/man”, Sadia është tani nën vëzhgimin e publikut – jo për këshillat, por për skandalin.

Përmes disa video-ve virale në TikTok dhe Instagram, janë publikuar voice notes dhe mesazhe private që pretendohet se i përkasin asaj. Në njërën prej tyre, dëgjohet duke bërë deklarata të forta që bien ndesh me parimet që vetë ka promovuar.

Skandali ka marrë përmasa të mëdha, jo vetëm për përmbajtjen e mesazheve, por edhe për akuzat për mashtrim financiar dhe tradhti, të cilat kanë ngjallur debat të ashpër mes ndjekësve dhe komunitetit online.

Sadia Khan, e cila për një kohë të gjatë ka qenë figurë e respektuar në fushën e zhvillimit personal dhe marrëdhënieve, tani përballet me sfidën më të madhe të karrierës së saj publike.