A e dini se cila është pica më e shtrenjtë në botë? Jo, nuk është ajo me fletë ari në restorantet luksoze të Nju Jorkut apo Tokios. Historia e saj lidhet me një porcion të zakonshëm nga një zinxhir ushqimi të shpejtë në Florida – por me një detaj të jashtëzakonshëm: pagesën me bitcoin.

Në maj të vitit 2010, zhvilluesi Lazlo Hanjez postoi në një forum online një ofertë të pazakontë – ai premtoi 10,000 dollarë në bitcoin kujtdo që do t’i sillte dy pica. Në atë kohë, kriptomonedha ishte ende në hapat e parë dhe shuma kishte një vlerë modeste prej rreth 41 dollarësh. Një përdorues pranoi ofertën, porositi pica dhe kështu u realizua blerja e parë në botë me bitcoin.

Askush nuk mund ta imagjinonte se më vonë ato 10,000 BTC do të kapnin vlerën e mbi 1 miliard dollarëve, duke e bërë këtë transaksion një nga më të famshmit në historinë e ekonomisë moderne.

Sot, 22 maji njihet si “Dita e Pizzës Bitcoin”, një përvjetor që kujton momentin kur dy pica të zakonshme ndryshuan përgjithmonë perceptimin e parave digjitale.

Ndërsa shumë njerëz mund të pendoheshin për një “humbje” të tillë, Hanjez thotë se nuk ka keqardhje – për të, kjo ishte prova e parë se Bitcoin mund të kishte vlerë reale në treg. Pra, herën tjetër që dikush të paguan për një pica, kujto këtë histori: ndoshta po përgatit darkën më të shtrenjtë të të gjitha kohërave.