Një aksident tragjik ka ndodhur mëngjesin e sotëm në rrugën nacionale Çermë-Divjakë, ku një automjet tip Volkswagen Passat ka dalë nga rruga dhe ka përfunduar në kanal. Në automjet ishin katër persona, ku për shkak të mos frenimit në kohë, përplasja ka qenë fatale për një prej pasagjerëve. Një 47-vjeçare, Majlinda Sula, ka humbur jetën në vend, ndërsa tre të tjerë janë plagosur rëndë dhe ndodhen nën kujdesin e mjekëve në spital.
Të plagosur në këtë aksident janë drejtuesi i mjetit, 63-vjeçari Ferit Mekshi, si dhe Afërdita Mekshi, 37 vjeçe, dhe djali i saj 15-vjeçar. Gjendja e tyre paraqitet serioze, ndërsa po marrin trajtim intensiv nga mjekët. Ngjarja ka tronditur komunitetin lokal, duke sjellë dhimbje të thellë për familjet dhe banorët e zonës. Banorët e fshatit Çermë-Sektor, nga ku mjeti doli në rrugën nacionale, shprehen shqetësimin e tyre për rrezikshmërinë e këtij aksi.
