Aktori i njohur, Alan “Yu” Menglong, ka ndërruar jetë në moshën 37-vjeçare pasi është rrëzuar nga pallati i tij.

Menglong, i njohur më së miri për rolin e tij në serialin “Eternal Love” të Netflix, ndërroi jetë në lagjen Chaoyang të Pekinit, Kinë, shkruajnë mediat e huaja.
Deri më tani është e paqartë se çfarë e shkaktoi rrëzimin e Menglong, por policia ka përjashtuar çdo mundësi që dinamika të ketë qenë kriminale.

“Me një hidhërim të padurueshëm, njoftojmë se Menglong ynë i dashur vdiq më 11 shtator. Policia ka përjashtuar çdo kriminalitet”, tha ekipi i menaxhimit të Menglong në një deklaratë të postuar në Weibo, duke shtuar:

“Shpresojmë që ai të prehet në paqe dhe të dashurit e tij të mbeten të fortë”.

Vendas i Xinjiang-ut, ai u bë i famshëm duke garuar në një konkurs kinez kënge, të quajtur “Super Boy” në vitin 2013. Ai vazhdoi të luante në projekte si The Legend of the White Snake, “Go Princess Go” dhe “The Moon Brightens You”. Paraqitja e fundit e artistit erdhi në serialin e vitit 2025 “Feud”.