Detaje të reja dhe tronditëse janë zbuluar në Përmet, ku një 16-vjeçare është abuzuar s**sualisht nga njerku i saj (polic), ngacmuar s**sualisht nga një polic (koleg i njerkut), ndërkohë ishte në lidhje me një 46-vjeçar.

Nga hetimet ka rezultuar se në këtë ngjarje janë përfshirë 4 persona, 3 prej tyre janë arrestuar dhe një tjetër, Artur Ago 53 vjeç është shpallur në kërkim pasi dyshohet se është larguar drejt Greqisë.

Shtetasi me iniciale P. B., 55 vjeç, banues në Këlcyrë, punonjës i Komisariatit të Policisë Përmet është arrestuar pasi dyshohet se ka ngacmuar/ abuzuar s**sualisht, për rreth 3 vjet, të miturën, e cila ishte thjeshtra e tij.

Ndërkohë Kristian Prifti 46 vjeç (i cili dyshohet se ka pasur lidhje intime me 16-vjeçaren) dhe shoku i tij Isi Pasho 27 vjeç janë arrestuar pasi kanë kanosur 55-vjeçarin, që t’iu jepte 1 000 000 lekë, për të mos i pub likuar video me përmbajtje intime. Por video e publikuar në rrjetin social Facebook, e cila është bërë shkak për nisjen e hetimeve, mësohet se i përket 53-vjeçarit Artur Ago, kolegut të njerkut të 16-vjeçares. Ky i fundit i ka dërguar video intime vajzës së mitur, por i dashuri i saj 46-vjeçar ia ka marrë celularin dhe më pas edhe videon, që e ka përdorur për shantazh.

Banorët e zonës janë tronditur nga kjo ngjarje pasi sipas tyre nëna e vajzës është fajtore për gjithçka ka ndodhur. Ata thonë se nëna e merr vajzën e mitur nëpër lokale, ndërkohë që njerku polic rri i dehur gjatë gjithë kohës.

Mesazhi i qytetares:

‘16 vjeçares ia ka fajin e ëma. Ajo e futi në atë mesele. Si eshte vete mësoi dhe fëmijën. Nuk i njoh. Po të pyesni atje të gjithë ktë do thonë. Gjynah për gjëndjen ku ka vajt ky vënd e ku e si po rriten fëmijët. Se ajo e mbante pas vetes n lokal e kudo shkonte. Dhe kur ish me ktë policin që thoni ju. Njerku rri tap ajo del me të tjerë. Ça pret t mësojë një adoleshente e rritur në ktë mënyrë. Bredh nëpër lokale me meshkuj të ndryshëm. Mamaja tani e ka dëbuar dhe nga shpia e ka dërguar te gjyshërit. Në këlcyrë ndodhin shumë raste si ky.” JOQ