Një qytetar nga Fier ka denoncuar në redaksinë e JOQ Albania një sjellje aspak të hijshme nga dy banore të një pallati në lagjen Liri, rruga Faik Kamani.
Në videon e dërguar, shihen dy femra që dalin nga hyrja e pallatit me qese mbeturinash në dorë. Ato shikojnë majtas e djathtas dhe më pas, si pa të keq, e hedhin qesen në tokë, vetëm disa metra larg hyrjes së banesës.
Sipas qytetarit denoncues, koshat e mbeturinave ndodhen vetëm 1 minutë më larg, duke ngritur pyetje pse ato zgjedhin ta ndotin ambientin para pallatit ku banojnë.
Në një kohë kur qytetet shqiptare po përballen me problematika të shumta mjedisore, raste të tilla sjellin indinjatë tek banorët që kërkojnë më shumë kujdes dhe ndërgjegjësim.
Mesazhi i plotë i qytetarit: “Mirëmbrëma JOQ! Këto 2 banore kanë pak ditë që kanë ardhur në pallatin tonë në Fier, në lagjen Liri, Rruga Faik Kamani. Koshi i mbeturinave është vetëm 1 minutë larg.”
