Anila Muçaj dhe dy miq po vraponin të dielën në mëngjes përgjatë një rruge të sheshtë, por të ngushtë që të çon nga Tralee, në urën Blennerville në Irlandë, një rrugë e njohur për vrapim, çiklizëm dhe ecje në zonë, kur ndodhi përplasja.

Zonja Muçaj u trajtua në vendngjarje dhe u dërgua me ambulancë në Spitalin Universitar Kerry, ku mbërriti pa shenja jete. Shoqëruesit e saj të vrapimit u trajtuan për lëndime jo të rrezikshme për jetën.

Zonja Muçaj ishte anëtare e klubit Born to Run me bazë në Tralee dhe ishte një atlete e pasionuar, pasi kishte marrë pjesë në disa maratonash vitet e fundit.

Një postim në rrjetet sociale të klubit shkruhet: “Sot kemi mbetur të shkatërruar nga lajmi tragjik se bukuroshja jonë, mikesha e mirë Anila ka ndërruar jetë, pas një aksidenti në rrugë, mendimet tona janë me bashkëshortin dhe dy djemtë e saj të bukur dhe me gjithë familjen e Anilës në këtë kohë.”

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.