Një grua nga Zelanda e Re, me origjinë nga Koreja e Jugut, u shpall fajtore dhe dënua të hënën për vrasjen e dy fëmijëve të saj, mbetjet e të cilëve u gjetën në valixhe në një depo, raportuan mediat lokale.

Hakyung Lee rrëfeu vrasjen e fëmijëve të saj, të moshës tetë dhe gjashtë vjeç, por u deklarua e pafajshme për akuzat për vrasje të paqëllimshme për shkak të çrregullimit mendor. Gjykata dëgjoi se në vitin 2018, Lee u dha fëmijëve të saj mbidozë me ilaçe kundër depresionit dhe më pas i mbështolli trupat e tyre në qese plastike dhe i futi në valixhe, raportuan mediat e Zelandës së Re.

Babai i tyre kishte vdekur nga kanceri në fund të vitit 2017. Lee ishte ulur në gjykatë me kokën ulur dhe nuk reagoi fare kur juria shpalli vendimin e saj unanim.

Mbetjet mortore të fëmijëve u zbuluan në vitin 2022 nga një familje që kishte blerë një depo me valixhe të përdorura në një ankand online në Auckland.

Policia e Zelandës së Re ka nisur një hetim për vrasje dhe Lee, e cila ishte vendosur në Korenë e Jugut në vitin 2018, u ekstradua për t’u gjykuar atje në nëntor 2022. Dënimi i saj do të shpallet më 26 nëntor