Trafiku i rënduar në Tiranë shpesh i shtyn disa drejtues mjetesh të anashkalojnë rregullat e qarkullimit rrugor, duke u bërë burim aksidenti për veten dhe të tjerët.
Një rast i tillë është regjistruar në Unazën e Madhe, ku një shofer u fut në parakalim nga krahu i djathtë dhe iu afrua në një distancë fare të vogël murit hyrës të një rruge në autostradë. Pamjet janë dërguar nga një qytetar që ndodhej në trafik, i cili pyet me ironi: “A jemi ne budallenj apo këta të zgjuar që shmangen kështu trafikut? Këtu jemi te TEG-u”
Ngjarje të tilla nuk janë të rralla në kryeqytet, pasi shpesh shoferët e paduruar injorojnë rregullat, duke u futur në parakalime të gabuara, e për pasojë duke rritur gjasat për aksidente në rrugë.
