Java ka nisur me mot të paqëndrueshëm, ku reshjet e shiut dhe ulja e temperaturave kanë përfshirë pjesën më të madhe të vendit. Meteorologia e A2 CNN, Tanja Porja, bëri të ditur se moti i keq do të vijojë deri të mërkurën, kur pritet të ketë përmirësim.

Detajet e motit: Rrëbeshe në Jug, borë në male
Gjatë ditës së sotme, territori do të jetë nën ndikimin e vranësirave dhe reshjeve, të cilat do të vijojnë deri në mbrëmje. Ulja e temperaturave do të ndodhë në mesditë dhe në vijim. Vlerat termike do të luhaten nga 6 në 22 gradë Celsius.

Reshjet e shiut: Do të jenë më të pranishme në formë rrebeshesh në zonat e Jugut dhe në Qendër, ndërsa Veriu do të ketë reshje më të pakta.
Reshjet e borës: Bora do të bjerë në zonat malore në lartësi mbi 1400 metra mbi nivelin e detit, ndërsa në pjesën e dytë të ditës do të zbresë deri në 900 metra.
Meteorologia paralajmëroi gjithashtu për erë të fortë veriore dhe verilindore gjatë gjithë ditës, si në tokë ashtu edhe në hapësirat detare.

Përmirësimi i motit pritet të vijë të mërkurën, kur do të ketë edhe rritje të vlerave termike. Megjithatë, Porja paralajmëroi për surpriza të motit në fundjavë,