Janë zyrtarizuar emrat e katër kandidatëve që do të garojnë për pozicionin e kreut të SPAK. Ata janë prokurorët Klodian Braho, Elvin Gokaj, Doloreza Musabelliu dhe Adnan Xholi. Më herët u tërhoq nga procesi prokurori Sotir Kllapi.
NJOFTIMI I KLP:
Në vijim të procedurës për përzgjedhjen e Drejtuesit të Prokurorisë së Posaçme Kundër Korrupsionit dhe Krimit të Organizuar (SPAK), njoftojmë se, në përfundim të afatit zyrtar dhe kohës së pritjes për depozitimin e dokumentave nëpërmjet shërbimit postar, pranë Këshillit të Lartë të Prokurorisë kanë depozituar shprehjen e interesit për këtë pozicion prokurorët si më poshtë vijon:
* Klodian Braho * Elvin Gokaj * Doloreza Musabelliu * Adnan Xholi
