Florjan Binaj nuk mund t’i shpëtonte pyetjeve të gazetarëve për Ogerta Manastirliun, kandidaten që do të jetë përballë tij në zgjedhjet e pjesshme për Bashkinë e Tiranës.

Aktori dhe moderatori i njohur, thumboi drejtëpërdrejtë ish Ministren e Arsimit duke u shprehur në Top Story se gjithë jetën e saj ia ka dedikuar Edi Ramës.

Një përgjigje ngacmuese, që edhe pse në panel u përpoqen të ia elaboronin mendimin, ai u mjaftua duke thënë: “Unë them se Ogerta Manastirliu ja ka dedikuar gjithë jetën e saj, kryetarit të Partisë Socialiste, kryeministrit Edi Rama. A më pyetët? Kaq është përgjigja”, përfundoi Binaj.

Pas reagimit në rrjetet sociale, ku Florjan Binaj tregoi se do të kandidonte në Bashkinë e Tiranës, vrullshëm nisën të shpërndaheshin fotografitë e tij me Edi Ramën dhe Erion Veliajn vite më parë. Ai shpjegoi të dy fotografitë, madje duke u ndalur në disa detaje të padëgjuara më parë. I ftuar në “Top Story”, me Ramën zbuloi se kishte 10 vite pa u takuar dhe pa folur, ndërsa për Veliajn u shpreh, se ia kishte “vjedhur” fotografinë.

“Foto me Ramën? Kemi dalë në 2013-tën. Në atë periudhë, një pjesë shumë e madhe thonin që Edi Rama është e vetmja zgjidhje për shpëtimin e Shqipërisë nga situata. Takimi i fundit ka qenë në vitin 2015-të në festën e Digitalb. Që në atë kohë as nuk e kam takuar më dhe as nuk kam folur më. Unë u zhgënjeva si të gjithë me atë që ndodhi”, tha fillimisht ai.

I pyetur më pas për fotografinë për Veliajn, Binaj u shpreh: “Me Veliajn janë fotot në 2014 ose 2015. Nuk e mbaj mend mirë. Ka qenë një rast që ka qenë shumë i bukur për t’u treguar. Më morën në telefon nga një shtëpi me të moshuar. Ne po gatuanim bashkë me disa gra dhe nuk e dija që ishte event i Veliajt. Papritur, një person që e shoh që ishte Veliaj u fut me vrap dhe më erdhi pranë dhe i tha: “Shkrepe, shkrepe”. Unë nuk do të ndaloja të moshuarit që po hanin e të debatoja me të”,