Një ngjarje e pazakontë është regjistruar sot në autostradën Tiranë–Durrës, ku qytetarët janë habitur nga pamja e një karrotreci që transportonte dy automjete me karroceri, të vendosura njëra mbi tjetrën, një skenë që shumë e kanë krahasuar me lodrat “LEGO”. Sipas dëshmitarëve, mjeti i rëndë është lëkundur disa herë gjatë rrugës, duke rrezikuar të përmbysej për shkak të peshës së madhe të automjeteve që transportonte. Gropat dhe deformimet e autostradës e kanë vështirësuar edhe më shumë lëvizjen e tij.
Edhe pse shoferi kishte vendosur trekëndëshin e paralajmërimit, shumë drejtues të tjerë mjetesh janë ndjerë të pasigurt, duke e cilësuar situatën si të rrezikshme për qarkullimin.
