Një aksident tragjik ndodhi në orët e para të së dielës në Asiago, kur një makinë ku ndodheshin 5 të rinj doli jashtë kontrollit, duke goditur skulpturën në qendër të rrethrrotullimit në Via Verdi.

Mediat italiane shkruajnë se aksidenti ndodhi rreth orës 03:30 të së dielës, ndërsa si pasojë e aksidentit humbën jetën 3 nga të rinjtë dhe dy të tjerët, janë transportuar në spital, njëri prej të cilëve në gjendje kritike për jetën.

Viktimat janë të moshës 20 vjeç, ndërsa të plagosurit 21.Nga të dhënat e para mësohet se, automjeti Peugeot 207 ku ndodheshin 5 të rinjtë rrëshqiti pranë rrethrrotullimit që të çonte në Parkun Millepini, në fund të një disheze.

Grupi, i cili kishte ardhur në Altopiano për të festuar një ditëlindje, po vinte nga Via Lavarone kur, për arsye ende nën hetim, drejtuesi i automjetit humbi kontrollin, dhe me shpejtësi të lartë, goditi skulpturën në qendër të rrethrrotullimit.

Ekipet e ndihmës së shpejtë gjetën një skenë të tmerrshme: tre të rinj, dy nga Lusiana dhe një nga Creazzo, mbetën të pajetë, të bllokuar në makinë. Një i ri i katërt, në gjendje kritike, u nxor dhe u dërgua me urgjencë në spitalin Bassano del Grappa me një kod të kuq: jeta e tij nuk është në rrezik. i pesti, pothuajse në mënyrë të pashpjegueshme, doli nga automjeti pothuajse i padëmtuar.

Paramedikët, zjarrfikësit dhe karabinierët e Suemit iu përgjigjën vendit të ngjarjes, duke siguruar zonën dhe duke mbyllur përkohësisht rrugën.