Krumë – Një aksident rrugor është regjistruar ditën e sotme në aksin “Kukës–Krumë”, në vendin e quajtur “Qafa e Toblit”, ku janë përfshirë një automjet tip veturë dhe një kamion. Sipas informacioneve paraprake, automjeti me drejtuese shtetasen V.Q. është përplasur me një kamion që drejtohej nga shtetasi R.Q. Si pasojë e përplasjes janë lënduar drejtuesja e automjetit dhe tre pasagjerë të mitur që ndodheshin me të, si dhe një pasagjer në kamion.

Të dëmtuarit janë transportuar menjëherë në spital, ku po marrin ndihmë mjekësore. Mësohet se ata ndodhen jashtë rrezikut për jetën. Grupi hetimor ndodhet në vendngjarje dhe po punon për sqarimin e plotë të shkaqeve dhe rrethanave të aksidentit.

Krumë/Informacion paraprak

Në aksin rrugor “Kukës-Krumë”, në vendin e quajtur “Qafa e Toblit”, automjeti me drejtuese shtetasen V. Q. është përplasur me automjetin kamion me drejtues shtetasin R. Q.

Nga aksidenti janë dëmtuar shtetasja V. Q., tre pasagjerët e mitur në automjetin e saj dhe pasagjeri në kamion, të cilët po marrin ndihmë mjekësore në spital dhe janë jashtë rrezikut për jetën.

Grupi hetimor po punon për zbardhjen e plotë të rrethanave të aksidentit.