Një ngjarje e rëndë ka tronditur komunitetin shqiptar në Kanada.

Dr. Agron Alija, mjek dhe profesor i njohur, ka humbur jetën në një aksident rrugor të ndodhur më 21 tetor në London, Ontario.

Lajmi u konfirmua nga ambasadorja e Shqipërisë në Kanada, Artemis Kosta Malo, e cila shprehu ngushëllimet e saj të thella për familjen dhe të afërmit e të ndjerit.

“Dr. Alija ishte një figurë e shquar e komunitetit shqiptar dhe një njeri me shpirt fisnik. Humbja e tij lë një boshllëk të madh në familje, në mesin e kolegëve dhe miqve të tij. Kujtimi për të do të mbetet i gjallë në zemrat tona,” – shkroi ambasadorja Malo.

Dr. Agron Alija ishte një profesionist i vlerësuar në fushën e mjekësisë, dhe shërbente si Profesor i Asociuar në Shkollën e Mjekësisë dhe Stomatologjisë “Schulich” në qytetin e Londonit.

Përveç karrierës akademike, ai njihej për kontributin e madh në komunitetin shqiptar në Kanada, veçanërisht në qytetet Hamilton dhe London, ku gëzonte respekt të thellë për humanizmin dhe përkushtimin e tij ndaj pacientëve dhe studentëve.

Dr. Alija ka shërbyer gjithashtu në Spitalin Universitar të Prishtinës gjatë periudhës së luftës në Kosovë, si dhe ka qenë pjesë e Misionit Vëzhgues Diplomatik të Kosovës dhe OSBE-së, në rolin e stafit mjekësor për ekipet e evakuimit humanitar,