Administrata Trump ka vendosur të heqë kufizimin kyç që kishte vendosur ndaj përdorimit nga Ukraina të raketave me rreze të gjatë veprimi të prodhuara në Perëndim. Lajmi raportohet nga Wall Street Journal. Në praktikë, kjo do të thotë që Kievi do të ketë mundësi të godasë objektiva brenda territorit rus me dhjetëra ose qindra kilometra nga vija e frontit. Presidenti amerikan, megjithatë, në një postim në Truth Social, foli për “lajme të rreme”, duke pretenduar se Shtetet e Bashkuara nuk kanë të bëjnë fare me këto raketa, ngado që vijnë ato dhe çfarëdo që Ukraina synon të bëjë me to.

Çështja kryesore është se SHBA-të mund të kufizojnë përdorimin e raketave Storm Shadoë (të cilat janë prodhim franko-britanik) sepse ukrainasit përdorin të dhëna nga forcat e armatosura amerikane për shënjestrimin e objektivave të armikut.

Ish-Presidenti Joe Biden e miratoi përdorimin e raketave amerikane “Storm Shadow” dhe “Atacms” nga Ukraina kundër objektivave brenda Rusisë në fund të mandatit të tij.

Megjithatë, pasi Trump mori detyrën, Pentagoni krijoi një proces shqyrtimi për miratimin e sulmeve ndërkufitare duke përdorur raketa amerikane ose të huaja, duke përfshirë raketat Storm Shadow, të cilat mbështeten në të dhënat amerikane për të identifikuar objektivat.

Sipas këtij mekanizmi, Sekretari i Mbrojtjes kishte fjalën e fundit nëse Ukraina mund të përdorte armë perëndimore me rreze të gjatë veprimi për të sulmuar Rusinë. Deri vonë, përpara se autoriteti t’i transferohej Komandës Evropiane, nuk miratoheshin sulme të tilla.

Në fakt duket se Kievi tashmë ka ndërmarrë veprime të tilla, të cilat pritet të rrisin presionin mbi Rusinë. Të martën, Ukraina përdori një raketë Storm Shadoë për të goditur një fabrikë ruse në Bryansk që prodhon eksplozivë dhe karburant raketash. Sulmi “ishte i suksesshëm” pasi arriti të “depërtojë mbrojtjen ajrore ruse”, tha Shtabi i Përgjithshëm i Ukrainës pa dhënë detaje të mëtejshme.

WSJ raporton se lëvizja e panjoftuar e SHBA-së për të lejuar Kievin të përdorë raketa brenda Rusisë vjen pas transferimit të fundit të përgjegjësisë për mbështetjen e sulmeve të tilla nga Sekretari i Luftës Pete Hegseth te gjenerali më i lartë amerikan në Evropë, gjenerali Alexis Grinkevich, i cili mban gjithashtu një pozicion të lartë në NATO. Por kjo është gjithashtu pjesë e politikës së presionit të Trump kundër Kremlinit .

Është domethënëse që vendimi për të hequr kufizimin për raketat Storm Shadoës u mor përpara se Presidenti ukrainas Volodymyr Zelensky të takohej me Presidentin Trump javën e kaluar në Shtëpinë e Bardhë. Zelensky kishte kërkuar raketa Tomahawk, të cilat kanë një rreze të konsiderueshme veprimi dhe teorikisht mund të godasin objektiva në Moskë dhe më në veri. Por Trump e hodhi poshtë kërkesën, duke vënë në dukje se Rusia dhe Ukraina duhet t’i japin fund luftës së përgjakshme, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE